https://www.bbc.com/pashto/62264720
افغانستان کې د دیني عالمانو له منځه دا ځل د ختیځې حوزې سلګونو عالمانو په یوه غږ د طالبانو له حکومته وغوښتل چې له شپږم ټولګي پورته د نجونو ښوونځي پرانیزي.
دوی په کونړ ولایت کې سره غونډه شوي وو او یو شمېر قومي مشرانو هم په دې غونډه کې برخه اخیستې وه.
د ولي والله په نوم یوه ګډون کوونکي د طالبانو حکومت ته په خطاب سره وویل، په هېڅ پلمه دې نجونې له تعلیمه نه بې برخې کوي.
ولي والله وايي:" د فساد د ختمېدو په نوم باندې دې د ټول ملک دغه وګړي له تعلیمه نه ګرځوي. ځکه مونږ زنانه ډاکټرې ته اړتیا لرو."
- د ملګرو ملتونو راپورټر: طالبانو راته ویلي چې د نجونو منځنيو ښوونځيو په اړه به ژر اعلان وکړي
- کابل کې زدکوونکو نجونو د ښوونځیو بندېدو پر ضد لاریون کړی
- "وېرېږم چې نجونې به د تل لپاره د زدکړو له حق محرومې شي"
همدارنګه یوه بل ګډون کوونکي ګل میران د نجونو تعلیم د هغوی اسلامي او انساني حق وګاڼه او وویل: "دا زمونږه حق دی، باید په اسلامي بڼه او اسلامي اوصول پر بنسټ د ښځو ښوونځي خلاص شي چې مونږ د نړیوالو له پړې ووځو. "